Publicado o 29/07/2020
O mes de agosto vén cargadiño de actividades no Centro de Interpretación do xacemento romano de Caldoval. A concellería de Cultura e Turismo do Concello de Mugardos ofrece dous eventos especiais que adoitan ter moito éxito de convocatoria, dúas citas a non perder. E xa podemos adiantar que os amantes da caligrafía terán ocasión de desfrutar o sábado 22 de agosto do obradoiro especial de escritura romana “Ars Scribendi”, unha actividade dirixida tanto á cativada como a público adulto que queira indagar nas técnicas empregadas na antiga Roma para escribir. Poderán usar materiais coma os cálamos ou os papiros, para imitar as tipografías da época, en horario de mañá e de tarde, ás 11:30 e ás 17:30. Tamén é necesario inscribirse previamente. Ademais, continuamos coas actividades habituais durante toda a tempada estival: as nosas visitas guiadas, que veñen realizándose de xoves a domingo ás 10:30, 12:30, 16:30 e 18:30h., e o noso xogo de pistas de “As 12 probas de Caldoval”, que os/as máis peques da casa poden facer en calquera momento durate horario de apertura do centro (de martes a domingo, de 10:30 a 14:30 e de 16:30 a 20 h.).
As solicitude de prazas para os diferentes eventos e obradoiros realízase a través do correo electrónico info@museocaldoval.gal ou no teléfono 687072116 (en horario de apertura do centro). Todas as nosas actividades deste verán de 2020 adaptáronse para garantir a seguridade dos/das nosos/as visitantes na prevención de contaxios por COVID19. Por iso lembrámosvos que é imprescindible a reserva previa, agás no caso de “As 12 probas de Caldoval” e as visitas guiadas, aínda que para as visitas tamén é recomendable.Eventos especiais durante o mes de agosto en Caldoval
En primeiro lugar, contaremos cunha nova edición da actividade para todos os públicos da “III Noite de Estrelas en Caldoval”, que consiste na observación astronómica realizada no exterior do Centro de Interpretación da man de Antón Bouzas, biólogo, paisaxista e experto en astronomía cultural. Terá lugar o sábado 15 de agosto ás 22 h., con aforo limitado baixo previa reserva.
Por último, lembrar a nosa oferta de obradoiros orientados ao público infantil, que ten lugar de xoves a domingo, ás 11:30 e ás 17:30h. É preciso reservar pois o aforo limítase a 8 participantes por taller. A novidade deste verán, o obradoiro “Pequenos investigadores”, está a ter unha grande acollida e os máis peques desfrutan coñecendo os mitos dos principais deuses de Grecia e Roma a través dun enigma que teñen que resolver cunha investigación nas antigas bibliotecas de Pérgamo y Ulpia.
