Artigos Recentes

Publicado o 22/12/2017

Horario especial de Nadal e nova actividade para familias.

O Centro de Interpretación de Caldoval amplía os seus horarios para que todo o mundo poida achegarse a coñecelo nesas festas. A partir do venres 22 de decembro e ata o 7 de xaneiro o museo permanecerá aberto tódolos días de 10:00 a 14:00 e de 16:00 a 20:00 salvo os días 24, 30 e 1 de xaneiro.

Ademais das visitas guiadas gratuitas que teñen lugar ás 10:30, 12:30, 16:30 e 18:30, onde una experta en patrimonio e turismo cultural interpreta o xacemento romano e explica o modo de vida nesta época; tamén haberá tódolos días talleres para @s máis cativ@s: xogos de mesa romanos, pintura romana, mosaicos, cosmética e estética romanas. Os horarios destes obradoiros son ás 11:30 e 17:30, e é aconsellable reservar praza chamando ao 687 072 116 ou escribindo un correo a info@museocaldoval.gal.

Pero a gran novidade deste Nadal é unha nova actividade para as familias: a Busca do Tesouro de Caldoval. Unha maneira diferente de coñecer o museo e os seus contidos, de forma divertida e participativa. Varias pistas agochadas polo Centro de Interpretación guiarán aos participantes que, tras realizar unha serie de probas, poderán atopar un verdadeiro tesouro oculto. Esta actividade pódese realizar tódolos días ata media hora antes do peche.