Publicado o 27/04/2018
A oferta didáctica de Caldoval, que se pode descargar da páxina web www.museocaldoval.gal, inclúe talleres para tódolos ciclos educativos; dende infantil ata secundaria. Un obradoiro de pintura romana, que imita os motivos que se atopaban nos baños termais; un taller de mosaicos, cos que decoraban os chans das piscinas e bañeiras das termas; outro de estética e cosmética romana, onde aprenderán a fabricar un aceite aromático personalizado; e un obradoiro de xogos de mesa romanos ou xogos de calculi, onde cada participante fabrica un taboleiro que logo leva para a súa casa. Esta oferta compleméntase cunha visita didáctica ao museo adaptada en contidos e percorrido ás idades do alumnado. Dende o Concello de Mugardos estase traballando tamén para ofrecer actividades didácticas no exterior relacionadas coa práctica deportiva na Antiga Roma. Para as visitas escolares é necesario facer a reserva a través do correo electrónico info@museocaldoval.gal ou no teléfono 687072116 (en horario de apertura).O museo romano de Caldoval abrirá os xoves de maio para os colexios.
O Concello de Mugardos decide abrir un día máis á semana o Centro de Interpretación de Caldoval para atender á lista de agarda.
O programa didáctico de Caldoval, completo dende hai semanas, colle oxíxeno para poder atender a máis centros educativos.
As visitas didácticas e obradoiros para centros escolares, gratuítas ambas actividades, están sendo un revulsivo para o museo romano de Mugardos que ten cubertos tódolos venres do presente curso escolar. Ante o desbordamento da demanda por parte de colexios, institutos e centros educativos de todo tipo, a concellería de Patrimonio de Dolores González decidiu abrir ademais tódolos xoves do mes de maio en exclusiva para eles.
